Պարզ սարքը կարող է օգնել Պարկինսոնի հիվանդությամբ պացիենտներին

Scion Neurostim ընկերության կողմից մշակված միգրենի նոպաների թեթեւացման համակարգը՝ ThermoNeuroModulation-ը (TNM), կարող է օգնել Պարկինսոնի հիվանդությամբ պացիենտներին:

ThermoNeuroModulation-ը նման է մեխերով ականջակալներին, որոնք միացած են սնման բոլոկով եւ վերահսկիչով: Ականջում մեկ մեխը տաքանում է մինչեւ 42 աստիճան ըստ Ցելսիուսի, իսկ մյուսը սառում մինչեւ 17 աստիճան:

Մեկ թերապեւտիկ շրջանը մոտավորապես տեւում է 20 րոպե, որի ընթացքում ջերմաստիճանի տատանումները մեղմ խթանում են վեստիբուլյար ապարատը, որի աշխատանքի խախտումները նկատվում են Պարկինսոնի հիվանդության դեպքում:

Քենտի համալսարանից գիտնականնները համակարգը փորձել են պարկինսոնիզմով հիվանդների վրա: Պացիենտների կեսը 2 ամիս իսկական թերապիա է ստացել (օրական 2 շրջան), իսկ մնացածը՝ դրա իմիտացիան: Ամբողջ փորձի ընթացքում նրանք շարունակել են ընդունել իրենց ստանդարտ դեղամիջոցները:

Արդյունքում հիմնական խմբի կամավորների մոտ Պարկինսոնի հիվանդության ախտանշանների արտահայտվածության զգալի նվազում է նկատվել ի տարբերություն վերահսկվող խմբի:

Բարելավվել են շարժողական ունակությունները, ինքնուրույն տեղաշարժման կարողությունը, ուղղվել է քայլվածքը, նվազել է գլխապտույտը, բարելավվել է հիշողությունը, տրամադրությունը, քունը, որոշումների ընդունման եւ ուշադրության կենտրոնացման կարողությունը:

Հետաքրքրիր է, որ հիմնական խմբի մարդկանց մոտ առավելագույն դրական ազդեցությունմ ի հայտ է եկել թերապիայի ավարտից 5 շաբաթ հետո:

Բաժանորդագրվեք Top-News.am-ին Telegram-ում