Գիտնականները բացահայտել են ճարպակալման համաճարակի տարածման գաղտնիքը

Նյու Յորքի համալսարանի եւ ամերիկյան գիտական այլ կենտրոնների մասնագետները բացահայտել են ճարպակալման համաճարակի տարածման գաղտնիքը։ Թվում էր, թե դրա գլխավոր «մեղավորը» այսպես կոչված «մետաբոլիկ արգելակումն» է, որը մարդու նախնիներին պաշտպանել է քաղցից՝ օգնելով էներգիայի պաշարներ կուտակել օրգանիզմում։

Հետազոտության շրջանակում գիտնականները հետեւել են ամերիկյան հեռուստաշոուի մասնակիցներին, որոնք սկզբում կորցնում էին ավելորդ քաշը, իսկ հետո նորից քաշ հավաքում։ Պարզվել է, որ նիհարելուց 30 շաբաթ հետո նրանց օրգանիզմում նվազել է այն ցուցանիշը, որը հայտնի է որպես մետաբոլիզմի արագություն հանգստի վիճակում (RMR)։ Չափելով նույն մարդկանց RMR-ը վեց տարի հետո՝ գիտնականները պարզել են, որ «մետաբոլիկ արգելակի» մեխանիզմը դեռեւս շարունակել է աշխատել։ Դա նշանակում է, որ փորձարկվողները ավելի քիչ էներգիա են ծախսել կենսագործունեության պահպանման համար եւ արդյունքում քաշ են հավաքել։

Կրծողների վրա փորձերը ցույց են տվել, որ RAGE սպիտակուցը (գլիկավորման վերջնարդյունքի ռեցեպտոր) առավել ակտիվ է, եթե օրգանիզմը ենթարկվել է մետաբոլիկ սթրեսի։ Այդպես պատահեց նաեւ հեռուստաշոուի մասնակիցների հետ, որոնց մոտ սթրեային վիճակում քաշի պակասումը կանգ առավ։ Բայց խնդիրն այն է, որ «մետաբոլիկ արգելակը», ամենայն հավանականությամբ, ակտիվանում է նաեւ չափից շատ ուտելիս։ Գիտնականները դա կապում են այն բանի հետ, որ օրգանիզմը շատ ուտելուց առաջացած սթրեսը դիտարկում է որպես սթրես, որն առաջ է եկել քաղցից, եւ արգելակում է ճարպը մաշելու կարողությունը։

Կատարված աշխատանքի արդյունքները ներկայացված են Cell Reports ամսագրում։