Android սմարթֆոնները կստանան AirDrop-ի անալոգը

Հայտնի է դարձել Google-ի կողմից Android Q-ի համար նախապատրաստած ևս մեկ նորույթի մասին:

Android-ի նոր տարբերակը կստանա Fast Share անունը կրող ֆունկցիան, որը նախատեսված է միմյանց կողին գտնվող սմարթֆոնների միջև ֆայլերի վայրկյանական փոխանակումը: Այս կերպով է աշխատում նաև iOS-ի համար նախատեսված AirDrop-ը:

Ինչպես հայտնում է աղբյուրը, Fast Share-ը կարելի է օգտագործել լուսանկարների և այլ ֆայլերի մեկ սմարթֆոնից մեկ ուրիշի տեղափոխման համար: Փոխանակման համար անհրաժեշտ չի ինտերնետ կապ, պարզապես պետք է կիսվել աշխարհագրական դիրքով և BlueTooth-ը միացրած պահել:

Եթե մի սարքավորումը հաճախ է ֆայլեր փոխանցում կոնկրետ սարքավորման, ապա այն մտցվում է հատուկ ցանկի մեջ: Ցավոք, առայժմ հայտնի չէ, թե այս ֆունկցիան երբ կգործարկվի բոլոր օգտատերերի համար:

Բաժանորդագրվեք Top-News.am-ին Telegram-ում