Ստեղծվել է ազնվամորի հավաքող ռոբոտ (տեսանյութ)

Ռոբոտները կարող են փոխարինել մարդկանց շատ ոլորտներում եւ, առաջին հերթին, նրանք օգտակար են այնտեղ, որտեղ անհրաժեշտ է մեխանիկական ոչ որակյալ աշխատանք։ Հաշվի առնելով տեխնոլոգիաների զարգացումը՝ ֆերմերները ավելի հաճախ են հետաքրքրվում ռոբոտատեխնիկայի օգտագործման հնարավորությամբ. դա թույլ կտար խնայել աշխատուժ։ Խնդիրներից մեկի լուծումն առաջարկել է Fieldwork Robotics ընկերությունը՝ հիմնված Պլիմուտի համալսարանի պրոֆեսոր Մարտին Սթոենլենի կողմից, տեղեկացնում է Nat-geo-ն։

Նրա ղեկավարությամբ ինժեներները ստեղծել են ռոբոտ, որը կարող է ազնվամորի եւ մոշ հավաքել՝ չվնասելով փափուկ պտուղներն ու տեսակավորելով խակերը։ Վերջերս իրականացվել են նոր սարքի փորձարկումները։

Ռոբոտի բարձրությունը 1,8 մետր է։ Այն ունի տվիչներ եւ 3D տեսախցիկներ, ինչը թույլ է տալիս գնահատել պտղի հասունությունը։ Փափուկ բարձիկների օգնությամբ սարքը զգուշությամբ պոկում է պտուղը թփից եւ դնում զամբյուղի մեջ։ Ներկա պահին մեկ պտղի հավաքումը տեւում է մոտ մեկ րոպե, բայց թեստերից հետո ռոբոտը այնպես կփոփոխվի, որ վերջնարդյունքում կկարողանա անընդհատ աշխատել 20 ժամ՝ հավաքելով մոտ 25 հազար պտուղ։

Սերիական արտադրությունը նախատեսվում է սկսել հաջորդ տարի։ Դրանք վարձով կտրվեն ֆերմերներին, ինչը շահավետ կլինի երկու կողմերին։ Մարդը ութժամյա աշխատանքի ընթացքում հավաքում է մոտ 15 հազար պտուղ, ընդ որում՝ Եվրոպայում սեզոնային աշխատողների պակաս կա։