Հայկական «Ադամյան» ապրանքանիշի հեռուստացույցներն արդեն պատրաստ են

Հայկական «Ադամյան» ապրանքանիշի հեռուստացույցների առաջին խմբաքանակն արդեն պատրաստ է, այն հաշված օրերի ընթացքում կներկայանա սպառողներին: Արմավիրի մարզի Մեձավան համայնքում գտնվող գործարանի բացումը թեև տեղի էր ունեցել 2018թ. դեկտեմբերին, սակայն հեռուստացույցների արտադրությունը սկսվել է մայիսին` կառավարության կողմից ներմուծման մաքսային արտոնության տրամադրումից հետո:

«Ինթերնեշնլ մանուֆաքչրինգ գրուպ» ՓԲԸ տնօրեն Ռամի Ջուդիի փոխանցմամաբ` գործարանում այժմ օրական հավաքում են մոտ 100-150 հատ հեռուստացույց, որոնք շուտով կարելի է գտնել Հայաստանի ողջ տարածքում գործող խոշոր մասնագիտացված խանութ սրահներում:

Գործարանում այժմ ստեղծվել է 13 աշխատատեղ` միջինում 200 հազար դրամ աշխատավարձով: Գործարանի ամբողջական գործարկման դեպքում կստեղծվի 60-70 աշխատատեղ` 200 000 դրամ միջին աշխատավարձով և տարեկան կարտադրվի 126 հազար միավոր կենցաղային սարքավորում:

Մերձավանի համայնքապետ Լևոն Գրիգորյանը` ի պատասխան Politik.am-ի հարցին, թե ինչ արդյունավետություն կունենա գործարանի շահարկումը համայնքի համար, պատասխանեց, որ այս ծարագիրը արդեն իսկ արդյունավետ է:

Ըստ Լևոն Գրիգորյանի` համայնքի բնակիչները կհամալրեն գործարանի աշխատակիցների շարքերը. «Բնակիչներից թվով 70-ին արդեն ցուացակագրել եմ այնտեղ աշխատելու համար, տնօրինությունն էլ նրանցից համապատասխան մասնագետներ կընտրի:

Այժմ հեռուստացույցների նոր խմբաքանակի արտադրության համար անհրաժեշտ սարքավորումներ ներկրելու հարցով են զբաղված»,- ասաց համայնքապետը:

Ընկերությունը պատրաստվում է նաև արտահանել հայկական կենցաղային տեխնիկա` այդ հարցում ակնկալելով նաև ՀՀ կառավարության աջակցությունը: