Հայաստանում կա՞ն քաղբանտարկյալներ. Զեյնալյանը գնահատական չի տալիս (տեսանյութ)

Հայաստանում կա՞ն քաղաքական բանտարկյալներ: Այս հարցին արդարադատության նախարար Արտակ Զեյնալյանն այսօր պատասխանելիս ասաց, որ չի ուզում սրա վերաբերյալ քաղաքական գնահատական տալ:

Նրա խոսքով՝ այս պահին, համենայնդեպս, չկա որևէ մեկը, որ ապօրինի է ձերբակալված կամ պահվում է անազատության մեջ: Ինչ վերաբերում է անձանց կողմից հայտարարություններին, թե իրենք քաղաքական բանտարկյալ են, ապա Զեյնալյանը կարծում է, որ դա նույնպես պաշտպանվելու տարբերակ է:

Զեյնալյանի խոսքով՝ քաղաքական բանտարկյալ Հայաստանում կա, թե ոչ, պետք է որոշեն հասարակական կազմակերպությունները, հասարակությունը, որովհետև որպես իշխանության մաս՝ ինքը կարող է սուբյեկտիվ լինել: