Չինաստանը նախատեսում է առաջիկա 10 տարիներին ղեկավարվող առաքելություն ուղարկել Լուսին

Չինաստանը նախատեսում է առաջիկա 10 տարիներին գիտահետազոտական կայան կառուցել Լուսնի հարավային բեւեռում եւ առաջին ղեկավարվող լուսնային առաքելությունն իրականացնել։ Այս մասին Տիեզերագնացության օրվա առթիվ կազմակերպված համաժողովում չորեքշաբթի հայտարարել է Չինական ազգային տիեզերական վարչության ղեկավար Չժան Կեցզյանը՝ հայտնում է ՏԱՍՍ-ը։

Նա նաեւ հիշեցրել է, որ այս տարվա վերջին Չինաստանը կիրականացնի լուսնային «Չանե-5» սարքի արձակումը՝ լուսնային նմուշներ հավաքելու եւ Երկիր բերելու համար։ 8,2 տոննա քաշով սարքը կազմված կլինի չորս մասից՝ ներառյալ վայրէջքային, գլխավոր, օրբիտային եւ վերադարձվող մոդուլները։

ՉԺՀ-ն ակտիվորեն զարգացնում է իր տիեզերական ծրագիրը։ Հիդրոմետ, հեռահաղորդակցական եւ նավիգացիոն արբանյակների հետ մեկտեղ երկրում մշակվում է աստղակերպերի, Լուսնի եւ Մարսի հետազոտման տեխնոլոգիա։

Այս թեմայով Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է Ինչի՞ց է բաղկացած տիեզերական դատարկությունը Արեգակի վրա վերսկսվել են հզոր արեգակնային բռնկումները