ՀՀ քաղաքացին պարտավոր չէ երեք օտար լեզու իմանալ

Հայաստանի վարչապետը պնդում է, թե 22 տարեկան աղջիկը պարտավոր է երեք օտար լեզու իմանալ եւ երեք տարվա մասնագիտական ստաժ ունենալ: Այս հայտարարությամբ նա ոչ միայն կանգնեց տարօրինակ պահանջներ ներկայացնող գործատուների կողքին, այլ հարվածեց մեր պետականությանը:

Դեռ Խաչատուր Աբովյանն է ասել, որ օտար լեզու իմանալը լավ է, բայց որեւէ մեկը անկախ պետություն ունեցող ժողովրդին չպետք է պարտադրի երեք օտար լեզու իմանալ եւ նոր գործ փնտրել, այն էլ երեք տարվա ստաժ ունենալով:

Փոխանակ Փաշինյանը կոչ անի լավ տիրապետալ մասնագիտությանը, լաբ սովորել համալսարանում, դպրոցում, կոչ է անում լեզուներ սովորել: Սա պետություն չունեցող, արտագնա աշխատանքով զբաղվող խեղճ ու կրակ ժողովրդի հոգեբանություն է:

ՀՀ քաղաքացին պարտավոր է արժանապատիվ գործ ունենալ տիրապետելով բացառապես հայերենին: Իսկ ինչու համար են լեզվագիտական ֆակուլտետներն ու համալսարանները, որտեղ հենց լեզուների մասնագետներ են պատրաստում: 

Հենց այս մտածողությունն է պատճառը, որ մասնագիտական գրականություն հայերենով կամ չկա կամ հատուկենտ է: 

22 տարեկանը պետք է լավ տիրապետի իր մասնագիտությանը, հրաշալի տիրապետի հայերենին եւ ցանկանլի է մեկ օտար լեզու իմանա եւ լավ իմանա: Ու ոչ մի դեպքում լեզուների տիրապետումը չպետք է առաջնային դառնա: Օտար լեզուներով խոսելը դեռ չի նշանակում, որ գործ ունենք որակյալ մասնագետների հետ: ցավոք, վարչապետը երիտասարդներին, մեղմ ասած, ոճ ճիշտ խորհուրդ տվեց, եւ որ ամենավատն է՝ աջակցեց անհեթեթ պահանջներ ներկայացնող գործատուներին:

Վահրամ Գեւորգյան

Top-News.am