Փարիզի Աստվածամոր տաճարի վանահայրը չի բացառում, որ հրդեհի պատճառը համակարգչային համակարգի խափանումն էր

Փարիզի Աստվածամոր տաճարի վանահայր Պատրիկ Շովեն ենթադրել է, որ համակարգչային համակարգի խափանումը կարող էր Նոտր Դամում բռնկված հրդեհի պատճառ դառնալ, հաղորդում է Ինտերֆաքսը՝ հղում կատարելով Associated Press-ին:

Նոտր Դամի վանահայրը չի պարզաբանել, թե հատկապես որ համակարգչային համակարգի մասին է խոսքը, սակայն նշել է, որ հրդեհի պատճառը, հավանաբար, պարզ կդառնա առաջիկայում: «Հնարավոր է՝ մենք կիմանանք՝ ինչ էր տեղի ունեցել (տաճարում հրդեհից առաջ) երկու-երեք ամիս անց»,-ասել է Շովեն գործարարների հետ հանդիպման ընթացքում:

Ընդ որում՝ նա հավելել է, որ քննիչները դեռեւս չեն կարող մուտք գործել տաճար անվտանգության նկատառումներով:

Մինչդեռ Le Parisien թերթը հաղորդում է, որ քննիչները պարզում են՝ արդյոք հրդեհը կապված էր համակարգչային խափանման, թե ժամանակավոր վերելակների անսարքության հետ, որոնք օգտագործվում էին վերանորոգման աշխատանքների ժամանակ:

Երկուշաբթի՝ ապրիլի 15-ին, ուժգին հրդեհ էր տեղի ունեցել Փարիզի Աստվածամոր տաճարում: Այն բռնկվել էր շինարարական փայտամածի վրա, որը տեղադրված էր տաճարի տանիքին վերականգնողական աշխատանքների համար: Տաճարին զգալի վնաս է հասցվել. փլուզվել է սրածայր աշտարակը, ինչպես նաեւ տանիքը:

Ավելի վաղ ԶԼՄ-ները հաղորդել էին, որ քննիչները համարում են, որ Նոտր Դամում հրդեհի պատճառներից մեկը կարճ միացումն էր:

Այս թեմայով Ֆրանսիայում ասել են, որ Փարիզի Աստվածամոր տաճարի վերականգնումը կտեւի ավելի քան հինգ տարի Ճարտարապետները 7 տարբերակ են առաջարկել Փարիզի Աստվածամոր տաճարը վերականգնելու համար Ինչպես է Աստվածամոր տաճարի տանիքում անհայտ անձը կրակ վառում․ (տեսանյութ) Փարիզի Աստվածամոր տաճարի մեղուները հրդեհից չեն վնասվել Ոստիկանությունը նշել է Փարիզի Աստվածամոր տաճարում բռնկված հրդեհի հավանական պատճառը