Հայաստանը հին մեքենաների գերեզմանոց չի․ Փաշինյանը՝ մեքենաների ներկրման ծավալների մասին

Ավտոմաքսատուն այցից հետո լրագրողների հարցերին պատասխանելիս վարչապետ Նիկոլ Փաշինյանը չբացառեց, որ Հայաստանը կարող է դիմել ԵԱՏՄ գործընկերներին, որպեսզի հնարավորություն ստանա երկարացնել այլ երկրներից մեքենաներն էժան գնով ներկրելու ժամկետները։

«Կնայենք, կդիտարկենք։ Մենք պիտի էդ հարցը շատ լուրջ նայենք, չէ՞»,- ասաց Փաշինյանը։
Նա օրինակ բերեց, որ հիմա հազարավոր մեքենաներ են բերվում Հայաստան, և դրանք հին են, ինչը Հայաստանը կարող է դարձնել մեքենաների գերեզմանոց։ Փաշինյանն ասաց՝ պարզ է, որ սոցիալական խնդիրներ կան, բայց պետք է առաջ գնալ, էլեկտրամոբիլների անցնել և այլն։