Ձեր էդ խասյաթին վերջ տվեք, սա զիբիլ է, որի մեջ չի կարելի ապրել. Փաշինյանը զայրացավ

Գյումրիում տնակային ավաններ այցելության ժամանակ ՀՀ վարչապետ Նիկոլ Փաշինյանը զայրացավ տնակային ավանի տարածքում կուտակված աղբի համար, հատկապես, երբ նրան բացատրեցին, որ քաղաքապետարանը հաճախակի է աղբահանություն կատարում։

«Ձեր այդ խասյաթին վերջ տվեք, երբ իշխանությունից մարդ է գալիս, սկսում եք բացատրություններ տալ, զիբիլ է, որի մեջ չի կարելի ապրել։ Ուզո՞ւմ եք՝ սա տանեմ էքսպերտիզացիայի՝ կտեսնեք, որ առնվազն վեց ամսվա զիբիլ է։ Ի՞նչ է, դժվա՞ր է՝ հավաքեք, մաքրեք, ինձ համա՞ր եք մաքրելու, ձեզ համար եք մաքրելու»,- նշեց վարչապետը։

Դեռահաս մի պատանի ասաց, որ եթե խումբ կազմվի, ինքը մեծ սիրով կօգնի: Վարչապետն էլ արձագանքեց, որ հենց դու էլ կկազմես այդ խումբը: