Արյան մեջ գլյուկոզայի մակարդակն իջեցնելու 3 պարզ մեթոդ

Եթե ձեզ շաքարային դիաբետ են ախտորոշել, պետք է հետեւեք բժշկի բոլոր խորհուրդներին եւ ընդունեք նշանակված բոլոր դեղամիջոցները, որպեսզի արյան մեջ գլյուկոզայի մակարդակը վերահսկողության տակ պահեք: Բայց կան նաեւ մի քանի պարզ խորհուրդներ, որոնք ձեզ կօգնեն դիաբետն ավելի հաջողությամբ վերահսկել:

Հետեւեք սահմանափակումներին
Դիաբետով կամ նախադիաբետով մարդկանց խորհուրդ է տրվում հրաժարվել ակնհայտ քաղցր, յուղոտ եւ աղի ճաշատեսակներից: Ճաշացանկում պետք է գերակշռեն մրգերը, բանջարեղենը, իսկ մակարոնային արտադրանքը պետք է լինի ցորենի կոշտ տեսակներից:

Ինչ է օգտակար գործածել.

վարսակի շիլա,
ավոկադո,
ընկույզներ,
կորեկաձավար,
ձուկ,
բրոկոլի,
լոբազգիներ,
սխտոր:
Ձեր սննդակարգում դարչին հավելեք
2-րդ տիպի շաքարային դիաբետով պացիենտների մասնակցությամբ հետազոտությունը, որը տեւել է 90 օր, ցույց է տվել, որ դարչինի շնորհիվ կարելի է մինչեւ 29 տոկոսով նվազեցնել գլիկիրացված հեմոգլոբինը (3 ամսում արյան մեջ շաքարի միջին պարունակության ցուցանիշը):

Լողով զբաղվեք
Մասնագետների խոսքով՝ լողով զբաղվելը դիաբետիկներին անչափ օգտակար է, քանի որ օգնում է գլյուկոզայի մակարդակը վերահսկողության տակ պահել: Լողը թույլ է տալիս հասնել արյան մեջ խոլեստերինի խտության նվազմանը, վերացնում է օրգանիզմի վրա սթրեսի ազդեցությունը, այրում է կալորիաները եւ հոդերի վրա ճնշում չի գործադրում, ինչպես ֆիզիկական ծանրաբեռնվածության այլ ակտիվ տեսակները:

Իրականում դիաբետի դեպքում օգտակար է ցանկացած ֆիզիկական ակտիվություն. խորհուրդ է տրվում շաբաթական նվազագույնը 3 ժամ հատկացնել սպորտով զբաղվելուն:

Այս թեմայով Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս Սևան-Մարտունի ավտոճանապարհին 41-ամյա վարորդը «Opel»-ով բախվել է բետոնե արգելապատնեշներին և գլխիվայր հայտնվել դաշտում Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջկան Լոռիում Opel-ը բախվել է 2 էլեկտրասյուների և տապալել դրանք․ ճանապարհը ժամանակավորապես դարձել է միակողմանի