ՆԱՍԱ-ն հրապարակել է երկու բախվող գալակտիկաների լուսանկարը

ԱՄՆ Օդագնացության և տիեզերական տարածության հետազոտությունների ազգային գործակալությունը (ՆԱՍԱ) հրապարակել է Հերկուլեսի համաստեղությունում երկու բախվող գալակտիկաների լուսանկարը, որն արվել է «Հաբբլ» աստղադիտակի կողմից:

Խոսքը Երկրից մոտ 230 լուսային տարի հեռավորության վրա գտնվող NGC 6052 անվամբ օբյեկտի մասին է, որը հայտնաբերվել է դեռևս 1784թ.-ին՝ անգլիացի աստղագետ Ուիլյամ Գերշելի կողմից: Ի սկզբանե օբյեկտն իր տարօրինակ տեսքի համար նկարագրվել է որպես «անկանոն» գալակտիկա, սակայն հետագա ուսումնասիրությունները ցույց են տվել, որ այն իրականում բաղկացած է բախման երկարատև գործընթացի մեջ գտնվող երկու տարբեր գալակտիկաներից:

Ինչպես նշվում է ՆԱՍԱ-ի կայքում, նման ճակատագիր է սպասվում նաև մեր Ծիր Կաթին գալակտիկային. գիտնականների հաշվարկներով՝ մոտ 4 մլրդ տարի հետո այն կբախվի իր հարևան Անդրոմեդա գալակտիկային:

Այս թեմայով Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է Ինչի՞ց է բաղկացած տիեզերական դատարկությունը Արեգակի վրա վերսկսվել են հզոր արեգակնային բռնկումները