«Եթե Իվանիշվիլին իշխանության մնա մինչև 2020թ.-ը, Վրաստանը թոշակառուների ու չինովնիկների երկրի կվերածվի». Սաակաշվիլի
Վրաստանի երրորդ նախագահ Միխեիլ Սաակաշվիլին մարտի 3-ին Հռոմում օտար երկրներում ապաստանած իր հայրենակիցների հետ հանդիպման ժամանակ հայտարարել է, որ եթե Վրաստանում «Վրացական երազանք» կուսակցության հիմնադիր Բիձինա Իվանիշվիլին իշխանության մնա մինչև 2020թ.-ը, ապա «մենք կունենանք առավելագույնը 2,5 միլիոնանոց երկիր՝ բնակեցված թոշակառուներով ու չինովնիկներով և, գումարած դրան, տարբեր երկրների աղքատ շրջաններից բերված աշխատուժ, որին Վրաստանի հետ ոչինչ չի կապում»:
Սաակաշվիլիի խոսքով՝ իր նախագահության օրոք Վրաստան վերադարձածներն ավելի շատ են եղել, քան երկրից գնացածները, իսկ 2012թ.-ից հետո Վրաստանը լքել է մեկ միլիոն մարդ:
Ինչպես նշում է apsny.ge կայքը, նա հավելել է, որ այսօր Վրաստանը հիմնվում է երկու բանի վրա. առաջինը զբոսաշրջությունն է, որը ստեղծվել է հենց իր նախագահության օրոք, երկրորդը՝ օտար երկրներում գտնվող վրացիները և նրանց կողմից իրենց ընտանիքների անդամներին փոխանցված գումարները:
Հիշեցնենք, որ երեկ Սաակաշվիլին արդեն երկրորդ հանդիպումն է ունեցել արտերկրի իր հայրենակիցների հետ: Հանդիպման գլխավոր թեման եղել է Վրաստանում տնտեսական խնդիրների հաղթահարումը: Հանդիպմանը մասնակցելու համար Հռոմ են ժամանել Սաակաշվիլիի աջակիցները, Եվրոպայում, ԱՄՆ-ում վրացական համայնքի ներկայացուցիչները:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար