Տեղի կունենա Հայաստան-Ռուսաստան-Իրան-Վրաստան ձևաչափով հանդիպում, կքննարկվի գազի ու էլեկտրաէներգիայի հարցը. Վլ. Կարապետյան
Հայաստանի վարչապետ Նիկոլ Փաշինյանի այցն Իրան մանրակրկիտ նախապատրաստված էր. այս մասին Սպահանում լրագրողների հետ զրույցում ասաց վարչապետի մամուլի քարտուղար Վլադիմիր Կարապետյանը:
Նա նշեց, որ Նիկոլ Փաշինյանի և Իրանի նախագահ Հասան Ռոհանիի միջև տեղի ունեցած բանակցությունները շատ կարևոր էին ու արդյունավետ:
Վլադիմիր Կարապետյանն ասաց, որ թե՛ Իրանի նախագահի, թե՛ ՀՀ վարչապետի կողմից տրվել են հանձնարարականներ՝ կարգավորելու, հարթելու համագործակցության հարցերը:
Tert.am-ի հարցին, թե ի՞նչ նկատի ունի Նիկոլ Փաշինյանը, երբ ասում է, որ հայ-իրանական հարաբերությունները պետք է լինեն գլոբալ բնույթի, Վ. Կարապետյանը պատասխանեց. «Պայմանավորվածություն ձեռք բերվեց միջկառավարական տնտեսական հանձնաժողովի գործունեությունը ակտիվացնելու վերաբերյալ: Առաջիկայում կլինի նիստ, որտեղ կքննարկվեն էներգետիկայի, տրանսպորտի ոլորտներին վերաբերող հարցերը: Վարչապետի այցն Իրան, նման մակարդակի հանդիպումները ձևավորում են փոխվստահության մթնոլորտ, որը հնարավորություն է տալիս պատասխանատու գերատեսչություններին անկաշկանդ աշխատել՝ ունենալով նաև հանձնարարականը: Հանդիպումը ծառայեց խոչընդոտները վերացնելուն: Մենք իրանական կողմից լսել ենք առաջարկ՝ լսել ենք առաջարկ էլեկտրաէներգիայի ու գազի տարանցման համագործակցություն ծավալելու Վրաստանի և Ռուսաստանի հետ: Կա պայմանավորվածություն՝ ապրիլին Թեհրանում քառակողմ հանդիպում կազմակեպելու Թեհրանում»:
Հիշեցնենք, որ Հայաստանի վարչապետ Նիկոլ Փաշինյանը պաշտոնական երկօրյա այցով Իրանի Իսլամական Հանրապետությունում է: Երեկ Փաշինյանն ու իր գլխավորած պատվիրակությունը Թեհրանում բարձր մակարդակի հանդիպումներ են անցկացրել:
Այսօր Նիկոլ Փաշինյանը ժամանել է Սպահան:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար