Ադրբեջանի ռազմական ինքնաթիռների վրա հայտնվել են բելառուսական սարքավորումներ (Տեսանյութ)

Բելառուսական «Պաշտպանական նախաձեռնություններ» («Оборонные инициативы») ընկերության կայքում հրապարակվել են լուսանկարներ, որոնցում երևում է, որ այդ ընկերության «Թալիսման» պաշտպանական բորտային համալիրները տեղադրվել են ադրբեջանական «ՄիԳ-29» և «Սու-25» ռազմական ինքնաթիռների վրա։

Այս մասին տեղեկությունները սկսել են տարածել հենց ադրբեջանցիները։

«Թալիսման» համակարգը նախատեսված է ինքնաթիռի վրա հարձակումների մասին ահազանգելու, դրա ուղղությամբ թռչող հրթիռների մասինն օդաչուին տեղեկացնելու և անհրաժեշտության դեպքում այդ հրթիռները ոչնչացնելու համար։ Այն նաև կարողանում է քողարկում ստեղծել՝ կեղծ թիրախներ բաց թողնելով օդում, ինչպես նաև աշխատում է հակառակորդի ՀՕՊ համակարգերի դեմ։

Սա վերջին շրջանում Ադրբեջանի ու Բելառուսի ռազմական համագործակցության երկրորդ հայտնի դարձող դեպքն է։ Առաջինը բելառուսական «Պոլոնեզ» հեռահար հրթիռային համակարգերի վաճառքն է Ադրբեջանին։

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»