Հարյուրավոր առնետներ գրոհել են իտալական գյուղը (տեսանյութ)

Իտալիայի փոքրիկ գյուղերից մեկը՝ Գատոլինոն, արդեն մի քանի օր է՝ ենթարկվել է հարյուրավոր առնետների գրոհին:

Ինչպես նշում է The Guardian-ը, տեղացիները, հաշվի առնելով կրծողների տարօրինակ վարքը, դրանց «խենթ առնետներ» են անվանում: Նրանց պատմելով՝ առնետները հայտնվում են ճանապարհին ու ինքնակամ նետվում մեքենաների տակ:

«Ես նախկինում երբեք նման բան չէի տեսել»,-ասել է տեղի բնակիչներից մեկը:

Հյուսիսային Չեզենա նահանգի իշխանությունները հրշեջներին, ոստիկաններին ու սանիտարներին կարգադրել են մեկտեղել ջանքերն ու լուծել հարցը:

Նշվում է, որ այս հարցը հանրային հնչեղություն է ստացել, երբ համացանցում նրանց մասնակցությամբ ուշագրավ տեսանյութ է տարածվել:

Ենթադրվում է, որ հարյուրավոր կրծողները եկել են մոտակայքում գտնվող թռչնաբուծարանից, որը նախորդ տարի է փակվել: Հավանաբար, առնետներն այնտեղ են ապրել ու սննդի պակաս չեն ունեցել, սակայն թռչնաբուծարանի փակվելուց հետո սնունդը վերջացել է, ու նրանք եկել են գյուղ: