Էրդողանը հեռախոսով «աղջիկ է ուզել» երիտասարդ թուրք բժշկի համար

Թուրքիայի նախագահ Ռեջեփ Թայիփ Էրդողանն «աղջիկ է ուզել» Սամսուն քաղաքի հիվանդանոցներից մեկի երիտասարդ բժշկի համար, գրում է թուրքական «Հյուրրիյեթ» պարբերականը:

Մարտի 31-ին Թուրքիայում կայանալիք ՏԻՄ ընտրությունների նախապատրաստական աշխատանքների շրջանակում Սամսուն ժամանած նախագահը կուսակցական ժողովի ժամանակ ծանոթացել է Սամսունում առաջադրված թեկնածուների հետ, այնուհետև այցելել է տեղի հիվանդանոց:

Այստեղ Էրդողանին է մոտեցել երիտասարդ բժիշկ Իբրահիմ Հաքքը Քարաքուշը, որը դիմել է նախագահին բավականին անսովոր խնդրանքով: Քարաքուշը խնդրել է նախագահին խոսել իր սիրած աղջկա հոր հետ՝ իր համար սիրելիի ձեռքը խնդրելով:

Էրդողանը զանգահարել է աղջկա՝ Սեչիլ Ուսուլի հորն ու խնդրել աղջկա ձեռքը, այնուհետև դրական պատասխան ստանալով՝ խորհուրդ է տվել «շատ չձգձգել ամուսնությունը»: Նա չի բացառել, որ ներկա կգտնվի զույգի հարսանիքին:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին