Իրանական Press TV հեռուստաալիքը հայտարարել է ԱՄՆ-ում իր հաղորդավարի ձերբակալման մասին

Ամերիկյան ոստիկանությունը ձերբակալել է անգլալեզու իրանական «Press TV» հեռուստաալիքի լրագրող եւ հաղորդավար Մարզիե Հաշեմին, հաղորդում է «Интерфакс»-ը:

«Մեզ տեղեկացրել են, որ լրագրող եւ լուրերի մեկնաբան Մարզիե Հաշեմին ձերբակալվել է եւ կալանքի տակ է Վաշինգտոնում: Նրա ձերբակալման պատճառներն անհայտ են, նրան որեւէ պաշտոնական մեղադրանք չի առաջադրվել», - հաղորդել է հեռուստաալիքն իր Twitter-ում:

Press TV-ի կայքում նշվում է, որ ձերբակալությունը տեղի է ունեցել Սենտ Լուիսի միջազգային օդանավակայանում (Միսսուրի նահանգ)։ Նա ներկայումս ՀԴԲ-ի կողմից տեղափոխվել է Վաշինգտոնի քննչական մեկուսարան:

Press TV-ի հաղորդավարը ծնվել է ԱՄՆ-ում: Նա ԱՄՆ էր գնացել՝ այցելելու հիվանդ եղբորը եւ մյուս հարազատներին:

Մ.Հաշեմինի հարազատները պատմել են հեռուստաալիքին, որ իրենք չեն կարողացել կապ հաստատել նրա հետ 48 ժամվա ընթացքում, եւ միայն դրանից հետո են նրանք իմացել նրա ձերբակալման մասին:

Հաղորդավարն ընտանիքի անդամներին տեղեկացրել է իր նկատմամբ դաժան վերաբերմունքի մասին: Նա պատմել է, որ իր կամքին հակառակ, վրայից հանել են հիջաբը, նաեւ մերժել են հալալ կամ բուսական ծագման սնունդ տրամադրել:

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է