Ադրբեջանցիներին զայրացրել է Զախարովայի հայտարարությունը

Ադրբեջանի արտգործնախարարությունը ՌԴ ԱԳՆ տեղեկատվության եւ հրատարակչության վարչության պետ Մարիա Զախարովայի հայտարարությունն այն մասին, թե ադրբեջանական կողմը խոչընդոտում է ազգությամբ հայ ռուսաստանցիների մուտքը երկիր, գնահատել է որպես «երկկողմ ռազմավարական հարաբերությունների ոգուն հակասող»։ Այդ մասին ասվում է Ադրբեջանի ԱԳՆ մամուլի ծառայության ղեկավար Լեյլա Աբդուլաեւայի մեկնաբանության մեջ՝ հայտնում է ՏԱՍՍ-ը։

ԱԳՆ պաշտոնական ներկայացուցիչը հերքել է Զախարովայի խոսքերն այն մասին, թե ադրբեջանական կողմը խոստացել է կարգավորել իրավիճակը։ «Մենք հստակ հերքում ենք դա։ Ռուս-ադրբեջանական հարաբերությունները հիմնված են հավասար իրավունքների վրա, եւ «կկարգավորեն իրավիճակը» հակասում է հավասար իրավունքներով երկկողմ հարաբերությունների էությանը»,- հայտարարել է նա։

Աբդուլաեւան նաեւ նշել է, որ Ադրբեջանը միշտ բաց է Ռուսաստանի քաղաքացիների համար։ «Միայն 2018թ․ Ռուսաստանի 880 հազար քաղաքացիներ այցելել են մեր երկիր, եւ նրանց կողմից բողոք չի եղել այս հարցով։ Ռուսաստանի քաղաքացիների ճնշող մեծամասնությունը գոհ են մնացել իրենց այցից եւ շնորհակալություն են հայտնել հյուրընկալության համար»,- ընդգծել է ԱԳՆ մամուլի ծառայության ղեկավարը՝ հավելելով, որ այցելողների մեջ եղել են նաեւ հայկական ծագումով Ռուսաստանի քաղաքացիներ։

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»