Քիմ Չեն Ընը ժամանել է Չինաստան ԱՄՆ-ի հետ գլխավոր բանակցողի հետ
ԿԺԴՀ-ի առաջնորդ Քիմ Չեն Ընը այցով գտնվում է Չինաստանում: Նրա հետ միասին Պեկին է ժամանել Կորեայի աշխատավորական կուսակցության ԿԿ նախագահի տեղակալ Քիմ Յոն Չհոլը, որը ԱՄՆ-ի հետ գլխավոր բանակցողն է: Այս մասին տեղեկացնում է KCNA պետական լրատվական գործակալությունը:
Չինաստան են ժամանել նաեւ ԱԳ նախարար Լի Յոն Հոն եւ զինված ուժերի ղեկավար Նո Հվան Չհոլը:
Քիմ Չեն Ընն այս անգամ իր հետ Չինաստան է տարել նաեւ կնոջը՝ Լի Սոլ Չժուին:
Սպասվում է, որ Հյուսիսային Կորեայի առաջնորդը Չինաստանում կմնա մինչեւ հունվարի 10-ը:
Top-News.am