Հրապարակվել է Սադամ Հուսեյնի վերջին նամակը
Իրաքի բռնապետ Սադամ Հուսեյնի ավագ դուստը՝ 50-ամյա Ռագադ Հուսեյնը հրապարակել է հոր վերջին գրությունն՝ արված մահվանից 4 օր առաջ:
«Իմ ազնիվ ժողովուրդ, ես հավատում եմ ձեզ եւ վստահում եմ իմ հոգին Բարձրյալին, ով չի հիասթափեցնի իրեն հավատացողներին: Ալլահը մեծ է»,-գրված է գրության մեջ եւ ստորագրված՝ «Սադամ Հուսեյն, հանրապետության նախագահ եւ զինված ուժերի գերագույն գլխավոր հրամանատար»:
Սադամ Հուսեյնի մահապատժից 12 տարի անց արված այս հրապարակումից հետո, Հորդանանում ապրող Ռագադի էջն արգելափակվել է:
Նշենք, որ Ռագադ Հուսեյնը ամեն տարի հոր մահապատժի նախօրեին դիմում է Իրաքի ժողովրդին՝ կոչ անելով վերկանգնել երկրի անվտանգությունը եւ կայունությունը:
Top-News.am