Ստամբուլը կաթվածահար է (լուսանկարներ)

Ստամբուլում նախօրեին սկսված ձյան առատ տեղումները կաթվածահար են արել քաղաքի երթևեկությունը: Եղանակային անբարենպաստ պայմանների պատճառով դադարեցվել է նաև երթուղային նավերի աշխատանքը, չեղարկվել են Ստամբուլի եվրոպական ու ասիական հատվածներն ու կղզիներն իրար կապող բոլոր երթուղիները:

Ինչպես հաղորդում է թուրքական DHA գործակալությունը, ցուրտ եղանակն ու առատ տեղումները առավել շատ անհարմարավետություն են պատճառել Ստամբուլի հյուսիսային հատվածներում: Թուրքիայի ամենախոշոր քաղաքի մի քանի շրջանում երթևեկությունը գրեթե կանգ է առել, արձանագրվել են բազմաթիվ ավտոճանապարհային վթարներ:

Աղբյուրը նշում է, որ ձյան տեղումներն ամենաշատն ուրախացրել են երեխաներին, քանի որ ձյունն այստեղ բավական հազվադեպ է լինում: Ստամբուլի բնակիչները շտապել են ձնեմարդեր պատրաստել ու հիշատակի լուսանկարներ անել տարվա առաջին ձյան օրը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով