Գողը թալանել է տունը եւ զոհին համոզել իրեն տուն տանել
Գողը «մաքրել» է տունը, իսկ երբ տանտերը բռնել է նրան հանցանքի վայրում, խնդրել է իրեն տուն տանել՝ հայտարարելով, որ ուղղակի հասցեն է շփոթել։
USA.one-ը հայտնում է, որ 35-ամյա Դերեկ Թարբոքսը ներխուժել է ուրիշի տուն։ Հավաքելով թանկարժեք իրերը՝ նա ցնցուղ է ընդունել, կերել, փոխել է հագուստը եւ նստել հեռուստացույց դիտելու։ Այդ ժամանակ եկել է տանտերը։
Թարբոքսն իրեն չի կորցրել եւ միանգամից հայտարարել է, որ ցավալի սխալ է տեղի ունեցել՝ ինքը համոզված էր, որ այդ տանն իր ընկերն է ապրում։ Անկոչ հյուրն այնքան համոզիչ է խոսել, որ տանտերը նրան հավատացել է։ Դրանից հետո գողը խնդրել է իրեն հարեւան քաղաք՝ տուն տանել, ինչը եւ արել է միամիտ տուժողը։ Միայն տուն վերադառնալուց հետո է տղամարդը հասկացել, որ իրեն թալանել են՝ կորել են թանկարժեք իրերն ու հագուստը։
Ոստիկանությունում պատմածն այնքան անհավանական էր, որ ոստիկաններին թվացել է, թե իրենց ծաղրում են։ Սակայն տուժողը կատակելու տրամադրություն չուներ, ոստիկանությունը վերցրել է նրա դիմումը։ Եվ դեկտեմբերի 26-ին ճարպիկ գողը ձերբակալվել է։ Դերեկ Թարբոքսին ուրիշի տուն մտնելու, գողության եւ այլ իրավախախտումների մեղադրանքներ են ներկայացվել։