Հրաբխային զբոսաշրջությունը կյանքի համար վտանգավոր են ճանաչել
Մեծ Բրիտանիայի Թագավորական երկրաբանական միությունը հայտարարել է, որ զբոսաշրջիկների այցելությունները հրաբուխներ կարող են նրանց կյանքին իրական վտանգ սպառնալ, եւ երկրի արտակարգ ծառայությունները պետք է խոչընդոտեն մոտ հեռավորությունից հրաբխի ժայթքում տեսնել ցանկացող էքստրեմալների հոսքը, հայտնում է Daily Mail-ը:
Միությունը նշում է, որ սուր զգացողությունների սիրահարները վտանգը հաճախ թերագնահատում են եւ չեն հասկանում, որ պետք է զգուշանալ ոչ միայն լավայի ցայտքերից: Հրաբխի կողքին գտնվելով նրա ժայթքման պահին հնարավոր է վնասվել քարերի ընկնելուց, թունավորվել թունավոր գազերով կամ ընկնել, այսպես կոչված, հրաբխային ռումբերի տակ՝ խառնարանից դուրս նետվող լավայի կտորների:
Քեմբրիջի համալսարանից աշխարհագրագետ Էմի Դոնովանը հրաբուխների թեմայով իր հետազոտության մեջ նշել է 2 զբոսաշրջիկի մասին, որոնք 2010 թվականին սառցակալել են Իսլանդիայում հրաբխի մոտ գտնվող սառցադաշտում՝ ընդգծելով, թե որքան կարեւոր է ստացած անմոռանալի տպավորությունների եւ սեփական անվտանգության միջեւ հաշվեկշռի պահպանումը:
Լուրեր Հայաստանից - NEWS.am