Էրդողանը կհանդիպի Պուտինի հետ
Թուրքիայի նախագահ Ռեջեփ Թայիփ Էրդողանը հայտարարել է, որ առաջիկայում հանդիպելու է իր ռուս գործընկերոջ՝ Վլադիմիր Պուտինի հետ։ Ինչպես հայտնում է «ՏԱՍՍ» լրատվական գործակալությունը, լրագրողների հետ հանդիպման ժամանակ, Թուրքիայի նախագահը մասնավորապես ասել է հետեւյալը․ «Այսօր վաղը թուրքական պատվիրակությունը կմեկնի Մոսկվա, որից հետո, ես եւս կհանդիպեմ Պուտինի հետ»։ Ամենայն հավանականությամբ հանդիպումը լինելու է «տետ ա տետ» ձեւաչափով։ Ուշագրավ է այն, որ Կրեմլի խոսնակ Դմիտրի Պեսկովը հայտարարել է, որ այս պահին պայմանավորվածություն չկա Պուտինի եւ Էրդողանի հանդիպման հետ կապված։