Պուտինն ու Ալիեւը հեռախոսազրույց են ունեցել

Ռուսաստանի նախագահ Վլադիմիր Պուտինի եւ Ադրբեջանի նախագահ Իլհամ Ալիեւի միջեւ հեռախոսազրույց է տեղի ունեցել։ Այս մասին հայտնում է «Ազերթաջ» պետական լրատվական կայանը։ Թեեւ հեռախոսազրույցը եղել է Ալիեւի ծննդյան տարեդարձի առիթով, սակայն Մոսկվայի եւ Բաքվի ղեկավարները խոսել են նաեւ երկկողմ հարաբերությունների վիճակից, ընթացիկ տարում այդ ոլորտում ունեցած ձեռքբերումների։ Ուշագրավ է այն, որ հաջորդ տարվա համար նշվել է, որ ռուս-ադրբեջանական հարաբերությունները պետք է բարձրացվեն ռազմավարական մակարդակի։