Վիկտորիա թագուհու դուստրը մահացել է՝ ծխախոտի համար 15 շիլինգ պարտք թողնելով
Վիկտորիա թագուհու չորրորդ դուստրը՝ Լուիզա արքայադուստրը, մահից հետո Լոնդոնի ծխախոտային կրպակներից մեկին 15 շիլինգ պարտք է թողել: Այս մասին հայտնի է դարձել արխիվային փաստաթղթերից, գրում է BBC-ն:
Արքայադուստրը մահացել է 1939-ին, 91 տարեկանում՝ այդպես էլ չվճարելով ծխախոտի հաշիվը, որը ներկայացրել էր Բուքինհեմյան պալատի հարեւանությամբ գտնվող R Lewis Limited ընկերությունը:
Այն ժամանակ այդ գումարով հնարավոր էր հայտնի Players կամ Woodbines ապրանքանիշի ծխախոտ գնել, բայց փաստաթղթերում չի նշվում, թե կոնրետ որ ծխախոտներն էր նախընտրում արաքայադուստրը:
Այդ մասին հայտնի դարձավ Բրիտանիայի Ազգային արխիվի հրապարակած փաստաթղթերից:
Լուիզա արայադուստրը Վիկտորիա թագուհու եւ Ալբերտ արքայազնի 6-րդ երեխան էր եւ չորրորդ դուստրը: Նա հայտնի էր իր յուրօրինակ կենսակերպով: Նրան հաջողվել էր նկարչի ճանաչման հասնել:
Պատմաբան Լյուսինդ Հոքսլին, ով ուսումնասիրում էր Լուիզայի կենսագրությունը, պատմել է, որ արաքայադուստրը մոլի ծխող էր: Բայց նա ստիպված էր մորից թաքցնել իր հակումը, քանի որ նա ատում էր ծխելը: