Պատրիկ Շանահանը հունվարի 1-ից կլինի Պաշտպանության նախարարի պաշտոնակատար

Միացյալ Նահանգների նախագահ Դոնալդ Թրամփը հայտնել է պաշտպանության նախարարի նոր պաշտոնակատար նշանակելու մասին։

«Ուրախ եմ հայտնելու, որ Պենտագոնի ղեկավարի տեղակալ, մեր շատ տաղանդավոր Պատրիկ Շանահանը 2019-ի հունվարի 1-ից կլինի Պաշտպանության նախարարի պաշտոնակատար», - կիրակի օրը Թվիթերում գրել է Թրամփը՝ հավելելով. - «Պատրիկը շատ հաջողությունների է հասել ինչպես պաշտպանության փոխնախարարի պաշտոնում, այնպես էլ նախկինում «Բոինգ» ընկերությունում»։

Մասնագիտությամբ ինժեներ-մեխանիկ Պատրիկ Շանահանը «Բոինգ»-ում աշխատել է 1986 թվականից։ Նա զբաղվել է քաղաքացիական և ռազմական ծրագրերով, եղել է «Բոինգ» ընկերության փոխնախագահը, ապա գործադիր տնօրենը, 2017 թվականին ԱՄՆ Սենատը նրան հաստատել է պաշտպանության նախարարի տեղակալի պաշտոնում։

Պենտագոնի ղեկավար Ջեյմս Մատիսն օրերս հայտարարեց իր հրաժարականի մասին՝ հնշելով, որ համաձայն չէ Դոնալդ Թրամփի մի շարք որոշումների հետ։

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման