Պենտագոնի ղեկավարի պաշտոնից հեռացվելու մասին Ջեյմս Մեթիսը տեղեկացել է Պոմպեոյից. CNN

Նախատեսվածից երկու ամիս շուտ ԱՄՆ պաշտպանության նախարարի պաշտոնից ազատվելու որոշման մասին Պենտագոնի նախկին ղեկավար Ջեյմս Մեթիսը տեղեկացել է ԱՄՆ պետքարտուղար Մայք Պոմպեոյից: Այս մասին հաղորդում է CNN հեռուստաալիքը՝ քաջատեղյակ աղբյուրներին հղումով:

Հեռուստաալիքի տվյալներով՝ նախագահ Դոնալդ Թրամփը նախընտրել է անձամբ չտեղեկացնել Մեթիսին և հանձնարարել է դա անել պետքարտուղարին:

Ընդ որում՝ նման որոշման մասին Պոմպեոն Մեթիսին հայտնել է հեռախոսազանգի միջոցով: Նա պարզապես զանգահարել է Պենտագոնի ղեկավարին և հայտնել, որ վերջինս իր պաշտոնը նախատեսվածից շուտ է լքելու:

Հիշեցնենք, որ Պենտագոնի ղեկավարի պաշտոնից Մեթիսի հեռանալու մասին Թրամփը հայտնել էր հինգշաբթի: Ջեյմս Մեթիսը ԱՄՆ ռազմական գերատեսչությունը ղեկավարել է 2017-ի հունվարի 20-ից: Հրաժարականի իր դիմումի մեջ Մեթիսը նշել էր, որ պաշտոնից հեռանում է նախագահի և իր տեսակետների տարաձայնության պատճառով:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման