Եմենում հաշտության գործընթաց է
ՄԱԿ գլխավոր քարտուղարի թիմը, որի խնդիրն է հաշտության մշտադիտարկում անցկացնելը, ժամանել է Հոդեյդա, տեղեկացնում է Ռոյթըրը՝ հղում կատարելով ՄԱԿ-ին եւ տեղի իշխանություններին։
Ավելի վաղ կողմերը, ՄԱԿ աջակցությամբ, բանակցություններ էին վարել Շվեդիայում և համաձայնել հաշտություն հայտարարել, դադարեցնել մարտերը Հոդեյդայում եւ քաղաքի արվարձաններում։
Հաշտության մասին հայտարարվել էր երեքշաբթի օրը, սակայն քաղաքի արվարձաններում դեռեւս շարունակվում էր փոխհրաձգությունը։
ՄԱԿ փորձագետների խումբը գլխավորում է շվեդ պաշտոնաթող գեներալ Փաթրիկ Քամաերթը։
Օդանավակայանում գեներալին դիմավորել են Եմենի իշխանությունների ներկայացուցիչները։ Այնուհետեւ ՄԱԿ փորձագետների խումբը կուղեւորվի Սանա, որտեղ կհանդիպի հուսիթների ներկայացուցիչների հետ։
Խմբի մշտադիտարկումը կշարունակվի Հոդեյդայում եւ երկրի երեք այլ քաղաքներում։
Հոդեյդան, որը Եմենի գլխավոր նավահանգիստն է, պատերազմի կենտրոնում է եղել 4 տարի շարունակ, ինչը կարող էր հանգեցնել հումանիտար մատակարարումների դադարեցման ու սովի սպառնալիքի երկրի 16 մլն բնակչության համար։
Լուրեր Հայաստանից - NEWS.am