Մեծ Բրիտանիայում ներգաղթյալները փորձել են բռնազավթել նավը
Բրիտանական հատուկ ծառայությունները հետ են վերցրել միգրանտների կողմից Թեմզայի գետաբերանում բռնազավթած նավը, փոխանցում է The Sun-ը։
Ինչպես պարզվել է, չորս անտոմս ուղեւորի նավում նկատել են դեկտեմբերի 21-ի առավոտյան։ Նրանք դուրս են եկել փակված խցերից ու սկսել են անձնակազմի անդամներին սպառնալ երկաթյա ձողերով ու ինքնաշեն զենքերով՝ պահանջելով մոտենալ ափին։
12 ժամ սպասելուց հետո երկրի վարչապետ Թերեզա Մեյը հավանություն է տվել հատուկ նշանակության ջոկատի կողմից գրոհով նավը վերցնելու գործողությանը, որին մասնակցել են շուրջ 25 մարտիկ։ Չարագործները արագ հանձնվել են, ներկայումս հատուկ նշանակության ջոկատը ամբողջությամբ վերահսկում է նավը։