Ընդդիմադիրները վրաններ են տեղադրել խորհրդարանի շենքի առջև

Վրաստանի «Միասնական ազգային շարժում» կուսակցության կողմնակիցները, որոնք չեն ճանաչում նախագահական ընտրությունների արդյունքները, վրաններ են տեղադրել Թբիլիսիի կենտրոնում`խորհրդարանի շենքի դիմաց՝ պահանջելով արտահերթ խորհրդարանական ընտրությունների անցկացում: Այդ մասին հաղորդում է ՌԻԱ Նովոստի գործակալությունը:

Վրաստանի Թելավի քաղաք, որտեղ կիրակի կայացել է նորընտիր նախագահ Սալոմե Զուրաբիշվիլիի երդմնակալության արարողությունը, խաղաղ ցույց անցկացնելու նպատակով առավոտյան ավտոերթով մեկնել էին նաև «Միասնական ազգային շարժում» կուսակցության անդամներն ու համակիրները՝ նախագահի նախկին թեկնածու Գրիգոլ Վաշաձեի գլխավորությամբ:

Սակայն իրավապահները Թելավիից 30 կմ հեռավորության վրա կանգնեցրել են ընդդիմադիրների ավտոշարասյունը և հորդորել ճանապարհը շարունակել ոտքով, ինչը վեճի պատճառ է դարձել: Ընդդիմադիրները մի քանի անգամ փորձել են անցնել ոստիկանության կազմած պատը և նույնիսկ վնասել են ոստիկանական մեքենաները: Նրանք հայտարարել են, որ քաղաքի բոլոր մուտքերը փակ են, իսկ իշխանությունն ընդդիմության գործողությունները սադրանք է որակել:

Ավելի ուշ, Վրաստանի նախկին նախագահ Միխեիլ Սահակաշվիլին կոչ է արել ընդդիմությանը հավաքվել Թբիլիսիի Ռուսթավելի պողոտայում և շարունակել բողոքի ակցիան:

Աղբյուրի փոխանցմամբ՝ ակցիային մասնակցում է մի քանի տասնյակ մարդ, նրանք պարբերաբար փորձում են փակել քաղաքի գլխավոր մայրուղու երթևեկությունը:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք