ՄԻԵԴ-ը Ալեքսանդր Լապշինի գործով Ադրբեջանի իշխանությունների հետ սկսել է հաղորդակցության ընթացակարգը
Ստրասբուրգում Մարդու իրավունքների եվրոպական դատարանը բլոգեր Ալեքսանդր Լապշինի գործով Ադրբեջանի իշխանությունների հետ սկսել է հաղորդակցության ընթացակարգը: Այս մասին NEWS.am-ին հայտնեց անձամբ Ալեքսանդր Լապշինը:
«Սա նշանակում է, որ ՄԻԵԴ-ում Ադրբեջանի ներկայացուցիչը ստացել է երկրի ղեկավարությանը ներկայացված սպանության փորձի մեղադրանքով իմ դիմումը: Նրանց 3 ամիս է հատկացվել առարկություններ ներկայացնելու համար: Ինձ անկեղծորեն հետաքրքրում է, թե այդ պարոնները ինչ են առարկելու Իսրայելում, ԱՄՆ-ում, Ռուսաստանում եւ Նիդեռլանդներում միանգամից 4, իրարից անկախ դատաբժշկական հանձնաժողովներին, որոնք ընդունել են, որ Բաքվում ինձ հետ տեղի ունեցածը սպանության փորձ էր»,- նշեց Լապշինը:
2016-ի վերջին բլոգեր ու ճանապարհորդ Ալեքսանդր Լապշինը ձերբակալվել էր Մինսկում Ադրբեջանի պահանջով, որը նրան «սև ցուցակում» էր ներառել առանց Բաքվի հետ համաձայնեցնելու Լեռնային Ղարաբաղի հանրապետություն այցելելու համար։ Բելառուսի գլխավոր դատախազությունը որոշել էր բավարարել Ադրբեջանի հարցումը ու արտահանձնել Լապշինին։ Բաքվի դատարանը Լապշինին երեք տարվա ազատազրկման էր դատապարտել։
Սեպտեմբերի 11-ին Ադրբեջանի նախագահ Իլհամ Ալիևը ստորագրել է հրաման՝ Իսրայելի քաղաքացի Ալեքսանդր Լապշինին ներում շնորհելու մասին։ Միաժամանակ պարզվել է, որ բանտում Լապշինին քիչ էր մնում ինքնասպանության հասցնեին։
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
Լուկաշենկոն խոսել է նախագահի պաշտոնից հեռանալու մասին
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...