Թուրքիայում ներկած քարը որպես ոսկու ձուլակտոր վաճառել են 10 հազար դոլարով

Թուրքիայի Աֆյոնքարահիսարում ձերբակալվել են 2 երիտասարդներ դեղին ներկած քարը որպես ոսկու ձուլակտոր վաճառելու համար։

Թուրքական Cumhuriyet–ի փոխանցմամբ՝ Աֆյոնքարահիսարի Բոլվադինի շրջանում անասնապահությամբ զբաղվող Հաքան Ա.–ն սոցկայքով ծանոթացել է Մեհմեդ Թ.–ի հետ եւ պայմանավորվել նրանից 50 հազար լիրայով (10 հազար դոլար) ոսկու ձուլակտոր գնել։

Մեհմեդ Թ.–ն եւ ընկերը եկել են պայմանավորված վայր եւ 50 հազար լիրայի դիմաց հանձնել «ձուլակտորը»։ Այնուհետ Հաքանը տանը ստուգել է գնված «ոսկին» եւ պարզել, որ այն ոսկեգույն ներկած քարի կտոր է։ Նա անմիջապես զանգահարել է ոստիկանություն։ Երիտասարդները արագ ձերբակալվել են։

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին