Ո՞ւմ դուր կգա, որ իր թոռանը դրսում ասեն` քո պապը մարդասպան է. Թելման Իսմայիլովը՝ իր մասին մեղադրանքների վերաբերյալ

Ռուսական НТВ հեռուստաալիքը «Նոր ռուսական սենսացիա» հաղորդման շրջանակում անդրադարձել է ռուսաստանաբնակ ամենահարուստ ադրբեջանցուն՝ Թելման Իսմայիլովին:

Նա Ռուսաստանի 200 ամենահարուստ մարդկանցից մեկն էր, ում կարողությունը հասնում էր 800 միլիոն դոլարի: Դեռ մի քանի տարի առաջ Թելման Իսմայիլովը չափազանց ազդեցիկ էր, բայց 2 մարդու սպանություն կազմակերպելու համար թաքնվում էր իրավապահներից. նա միջազգային հետախուզման մեջ էր:

Հաղորդման ժամանակ Իսմայիլովը հայտարարում է, որ «լրագրողներն են ռիսկի դիմում՝ իրենից հարցազրույց վերցնելով», որովհետև իրականությունը հեռարձակել չեն թույլատրի:

«Եթե ես եմ մեղավոր նրանում, ինչում ինձ մեղադրում են, պատրաստ եմ՝ ցմահ ազատազրկման, գնդակահարության: Ես գնացի երկրից, ինքս գնացի, բայց չգիտեի, որ կհորինեն նոր մեղադրանքներ: Ո՞ւմ դուր կգա, որ իր թոռանը դրսում ասեն` քո պապը մարդասպան է»,- ասել է նա՝ նշելով, որ իր մասին եթերից ստում են:

Մանրամասները՝ տեսանյութում: