Ջորջ Բուշ-ավագի շունը «սգում» է մահացած տիրոջ համար. հրապարակվել է հուզիչ լուսանկար
ԱՄՆ 41-րդ նախագահ Ջորջ Բուշ-ավագը մահացել է նոյեմբերի 30-ին 94 տարեկան հասակում:
Ինչպես պարզվել է, նրա համար սգում են ոչ միայն ընտանիքը, ընկերները, քաղաքական գործիչներն ու համախոհները: Նախագահի մամլո քարտուղար Ջիմ Մաքգրաթը սոցցանցերում հուզիչ լուսանկար է հրապարակել, որտեղ Բուշի ազգային դրոշով ծածկված դագաղի մոտ քնած է Սալի անունով լաբրադոր ռետրիվերը:
Ամերիկյան լրատվամիջոցները գրում են, որ շունը Բուշ ընտանիքի անդամ է դարձել այս տարվա հունիսին: Սալին հատուկ պատրաստված էր. օգնում էր դռներ բացելիս, կարողանում էր անհրաժեշտ իրը բերել և օգնություն կանչել: Կյանքի վերջին տարիներին Բուշ-ավագը տեղաշարժվում էր հաշմանդամի սայլակով կամ էլեկտրական սկուտերի օգնությամբ: Շունը դարձել էր Պարկինսոնի հիվանդությամբ տառապող Բուշ-ավագի հավատարիմ ընկերը: