Ֆրանսիայում բողոքի ակցիաների մասնակիցները արգելափակել են վառելիքի 11 պահեստարաններ
Ֆրանսիայում բողոքի ակցիաների մասնակիցները արգելափակել են ֆրանսիական Total նավթագազային ընկերության վառելիքի 11 պահեստարանները, հաղորդում է Reuters-ը՝ վկայակոչելով ընկերության ներկայայցուցչին:
Նշվում է, որ Total-ի 2200 լիցքավորման կայաններից 75-ում վառելիքի պակաս կա, հաղորդում է «ՌԻԱ Նովոստին»:
«Դեղին բաճկոնների» զանգվածային ակցիաները, որոնք, դեմ են բենզինի գների բարձրացմանը, Ֆրանսիայում մեկնարկել են նոյեմբերի 17-ից:
Փարիզում շաբաթ տեղի ունեցած ակցիայի ժամանակ ցուցարարների եւ ոստիկանների միջեւ բախումներ էին տեղի ունեցել, ավերվածություններ, մեքենաներ էին այրվել: Ձերբակալվել էր 412 մարդ: Ակցիաների ժամանակ վիրավորվել էր 133 մարդ, այդ թվում 23 ուժային: