Բրիտանիայում գողացել են ուսանողի նոթբուքն, ապա ներողություն խնդրել նամակի միջոցով
Մեծ Բրիտանիայի Բիրմինգհեմ քաղաքում բնակվող ուսանող Սթիվի Վալենթայնը թվիթերյան գրառմամբ հայտնել է, որ իր դյուրակիր համակարգիչը գողացել են, այնուհետև ներողություն խնդրել դրա համար:
Ինչպես գրում է Oddity Central-ը, բրիտանացին հայտնել է, որ իր նոթբուքը գողացած մարդն իրեն էլեկտրոնային նամակ է ուղարկել՝ ներողություն խնդրելով իր արածի համար: Նա փորձել է արդարացնել իր արարքը՝ պնդելով, որ իսկապես շատ աղքատ է և գումարի կարիք ունի:
«Ինչպես հասկանում եմ, դուք ուսանող եք: Եթե այստեղ որևէ կարևոր փաստաթուղթ կամ աշխատանք կա, որը ձեզ պետք է, ինձ տեղյակ պահեք, ես կուղարկեմ այն ձեզ: Ես թողել եմ ձեր հեռախոսն ու դրամապանակը, այնպես որ հուսով եմ, դա ինչ-որ տեղ փոխհատուցում կլինի», - գրել է ներողություն խնդրող գողը:
