Մերկելն ընթրել է Բուենոս Այրեսի հասարակ ռեստորաններից մեկում
Արգենտինայի մայրաքաղաք Բուենոս Այրեսում կայացած G20 գագաթնաժողովին ուղևորատար ինքնաթիռով ժամանած Գերմանիայի կանցլեր Անգելա Մերկելն ընթրել է տեղի հասարակ ռեստորաններից մեկում, այս մասին գրում է lenta.ru-ն:
Բուենոս Այրեսի «սթեյք-հաուս»-ներից մեկում ընթրած Մերկելին ուղեկցել է միայն գերմանական փոքր պատվիրակություն, իսկ ռեստորանի այցելուներին զարմացրել է այն փաստը, որ կանցլերի՝ ներսում գտնվելու ընթացքում հասարակ այցելուների համար մուտքը չի փակվել:
Այնուամենայնիվ, փողոցում, որտեղ գտնվում էր «սթեյք-հաուս»-ը, երթևեկությունը սահմանափակվել է: Անցորդները, սակայն, հնարավորություն ունեին մոտենալ ռեստորանի պատուհաններին ու հետևել բարձրաստիճան հյուրերին:
Հայտնի է, որ ռեստորանի դիմաց խմբվել էին բազմաթիվ տեղացիներ, որոնք ցանկացել են լուսանկարվել Մերկելի հետ: