Ժիրինովսկին առաջարկել է ավերել եւ ոչնչացնել Ուկրաինան

Ժիրինովսկին պատասխանելով տղամարդկանց Ուկրաինա մուտքի արգելքին առաջարկել է ավերել Ուկրաինան: Ինչպես նաեւ նա առաջարկել է ստեղծել նոր նախարարություն, որը կզբաղվի Նոր Ռուսա-Ուկրաինայի հարցերով:

Վլադիմիր Ժիրինովսկին նաեւ հայտարարել է, որ Պորոշենկոն, ռուս տղամարդկանց մուտքն Ուկրաինա արգելելով, ցանկանում է բաժանել ռուսներին եւ ուկրաինացիներին: 

«Յացենյուկն ընդհանրապես ուզում էր պատ կառուցել : Ինչո՞ւ նրանց օգնենք: Այսօր պետք է բաժանենք դարերով միասին ապրող ժողովուրդներին: Մարդիկ ուզում են միասին ապրել: Ամբողջ Եվրոպան առանց սահմանների եւ մաքսատների է: Ամբողջ աշխարհում չեղարկում են մուտքի վիզաները: Այդ պատճառով պետք է ոչ թե կտրել կապերն Ուկրաինայի հետ, այլ ընդհակառակը՝ պետք է կապերն ամրապնդել», — ասել է Ժիրինովսկին Газета.ру-ին:

«Պորոշենկոյին պատասխանելու համար մենք ոչ թե պետք է սահմանափակենք ուկրաինացիների մուտքը Ռուսաստան, այլ հակառակը՝ պետք է Ուկրաինայի այն քաղաքացիներին, ովքեր ցանկանում են, պետք է արագացված կարգով տրամադրենք ռուսական անձնագրեր: Թող նրանք հանգիստ գան Ռուսաստան, աշխատեն ու ապրեն»,-ասել է Ժիրինովսկին, առաջարկելով բացառության կարգով կիրառել նաեւ երկքաղաքացիություն:

«Եվ վերջապես, մենք կավերենք Ուկրաինան՝ միլիոնավոր ուկրաինացիներ կգնան Արեւմուտք, իսկ միլիոնավորներ էլ կգան մեզ մոտ: Ընդ որում Եվրոպայում նրանց կտան միայն հյուրի կարգավիճակ, առանց աշխատանքի իրավունքի, իսկ մենք կտրամադրենք ավելի լայն եւ ամբողջական իրավունքներ. կճանաչենք կրթական վկայանները, աշխատանքը, կտրամադրենք կացարան: Մենք հանգիստ կտեղավորենք Ուկրաինայի 15 միլիոն բնակչի»,- ամփոփել է Ժիրինովսկին:

Top-News.am