Էգեյան ծովում մի գիշերում միանգամից 3 երկրաշարժ է գրանցվել
Էգեյան ծովի ջրերում անցյալ գիշեր միանգամից 3 երկրաշարժ է գրանցվել, այս մասին տեղեկացնում է թուրքական DHA գործակալությունը՝ հղում անելով Թուրքիայի արտակարգ իրավիճակների ծառայության հաղորդած տվյալներին:
Հայտնի է, որ ցնցումները տեղի են ունեցել Հունաստանին պատկանող Կիկլադների արշիպելագում և զգացվել նաև Թուրքիայի հարավ-արևմուտքում:
Նշվում է, որ արշիպելագի Ամորգոս կղզու մոտակայքում նախ գրանցվել է 4.4 մագնիտուդ ուժգնությամբ երկրաշարժ, որի օջախը գտնվել է 16 կմ խորության վրա: Րոպեներ անց 4.1 մագնիտուդ ուժգնությամբ ցնցումներ են գրանցվել Իոս կղզու տարածքում, նույն վայրում 24 րոպե անց ևս մի երկրաշարժ է գրանցվել նույն ուժգնությամբ: Վերջին ցնցումների օջախը գտնվել է 6 կմ խորության վրա:
Տուժածների կամ ավերածությունների մասին տեղեկություններ չեն փոխանցվում: Նշվում է, որ ցնցումները խուճապի պատճառ են դարձել տեղի բնակչության շրջանում: