Թմրակարտելի նախկին անդամը պատմել է Էլ Չապոյի շքեղ բարքերի մասին
Մեքսիկացի թմրաբարոն Խոակին Գուզմանը, ով հայտնի է որպես Էլ Չապո (Գաճաճ), շքեղության հանդեպ թուլություն է ունեցել։ Գուզմանի հանդեպ դատական նիստի ժամանակ նրա կարտելի նախկին անդամներից մեկը պատմել է, որ 90-ականներին «կոկաինի բումը» այնքան է հարստացրել Էլ Չապոյին, որ նա Գվադալայարի իր ռանչոյում սեփական գազանանոց է ստեղծել։ Բացի այդ, նա 10 մլն․ դոլարով ծովափնյա տուն է գնել եւ մի քանի անգամ մեկնել է Շվեյցարիա՝ երիտասարդացնող պրոցեդուրաներ ընդունելու համար՝ տեղեկացնում է AP-ն։
Հիշեցնենք․ որ Էլ Չապոյին մեղադրում են թմրամիջոցների առեւտրի, փողերի լվացման եւ սպանությունների մեջ։ Բոլոր մեղադրանքները նա հերքում է։