ԱՄՆ սենատորը հայտարարել է, որ Պուտինը հիպնոսացրել է Թրամփին
Սենատոր Ջեֆ Մերքլին ԱՄՆ նախագահ Դոնալդ Թրամփին խորհուրդ է տվել Արգենտինայում կայանալիք G20 գագաթնաժողովի շրջանակներում չհանդիպել Ռուսաստանի նախագահ Վլադիմիր Պուտինին, հաղորդում է Mediaite-ը:
«Նախ նրա նկատմամբ հետաքննություն է ընթանում՝ 2016թ. նախագահական ընտրություններին Ռուսաստանի հնարավոր միջամտության հետ կապված: Մենք տեղեկություն չունենք նրա ֆինանսական կապերի, շահերի բախման մասին»,- ասել է Մերքլին:
Նրա խոսքով, երկու ղեկավարների վերջին հանդիպման ընթացքում թափանցիկություն չկար, քանի որ զրույցին ներկա էր միայն թարգմանիչը:
«Հանդիպումից հետո Թրամփը ամբողջությամբ վերաշարադրել է Պուտինի տեսակետը, կարծես թե հիպնոսացած լիներ»,- ասել է սենատորը: