Բուլղարիայի վարչապետը կոչ է արել կողմերին առավելագույն զսպվածություն ցուցաբերել
Բուլղարիայի վարչապետ Բոյկո Բորիսովը կոչ է արել ռուսական եւ ուկրաինական կողմերին առավելագույն զսպվածություն ցուցաբերել Կերչի նեղուցում տեղի ունեցած միջադեպից հետո։ Այս մասին վարչապետ Բորիսովը գրառում է կատարել իր ֆեյսբուքյան էջում։
Ըստ Բոյկո Բորիսովի, Սոֆիան անհանգստությամբ հետեւում է ռեգիոնում տեղի ունեցող զարգացումներին։ Նա ընդգծել է, որ երկրների միջեւ հարաբերությունները պետք է զարգանան միջազգային գործակցության եւ փոխադարձ շահավետության սկզբունքների հիման վրա։
«Կոչ եմ անում ռուսական եւ ուկրաինական գործընկերներին ողջամտության եւ զսպվածության, քանի որ շատ հեշտորեն կարելի է հատել այն սահմանը, որից հետո հետդարձը կլինի անհնար»,- ասել է Բոյկոն իր գրառմամբ։