Ադրբեջանցիներին բնապահպանական միգրացիա է սպառնում

Արդեն տեսանելի ապագայում բնապահպանական միգրացիան կարող է դառնալ Ադրբեջանի բնակիչների համար դաժան, բայց անխուսափելի իրականություն։ Այս մասին, ըստ «Արթինյուս» լրատվական կայքի փոխանցման, հայտարարել է «Ռուզգյար» բնապահպանական կազմակերպության անդամ Իսլամ Մուստաֆաեւը։ Բնապահպանը նշել է, որ դա կապված է եւ կլիմայական փոփոխությունների, եւ սողանքների, եւ հեղեղումների, եւ տեղատարափ անձրեւների հետ։ Մուստաֆաեւը նշել է, որ արդեն այսօր Ադրբեջանում էկոմիգրանտներ կան։ Այսպես, երբ 2010 թվականին երկրի տարածքի հարավ-արեւմուտքում տեղի էր ունեցել հեղեղումներ, հազարավոր մարդիկ պարզապես մնացել էին առանց տանիքի եւ 55 հազար մարդ այն ժամանակ, հարկադրված հեռացել էր հեղեղված շրջաններից։ Նրանց մի մասը վերադարձել էր, սակայն նրանք, որոնց տները ավերվել էին, այդպես էլ հետ չէին վերադարձել։ Ադրբեջանցի բնապահպանը հիշեցնում է, որ այն ժամանակ երեք գյուղ էր հեղեղվել, որոնք գտնվում էին գետերի անմիջական հարեւանությամբ։ Ի դեպ, միջազգային հաշվարկների համաձայն, մինչեւ 2050 թվականը բնապահպանական միգրանտների թիվը ամբողջ աշխարհում կարող է հատել 200 միլիոնի սահմանը։

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»