Սահակաշվիլին ցանկանում է ղեկավարել Լազիկայի ազատ տնտեսական գոտին

Վրաստանի նախկին նախագահ Միխեիլ Սահակաշվիլին հայտարարել Է, որ Վրաստանի վերադառնալուց հետո կցանկանար դառնալ Լազիկայի՝ Վրաստանի արեւմուտքի Անակլիա ավանում խորջրյա նավահանգստի ղեկավարը:

Այդ մասին Սահակաշվիլին հայտարարել Է «Ռուսթավի-2» հեռուստաընկերությանը տված հարցազրույցում: Նրա խոսքով՝ այն բանից հետո, երբ Վրաստանում տեղի կունենա իշխանափոխություն, ինքը չի պատրաստվում «Իվանիշվիլիի օրինակով» ոչ պաշտոնապես կառավարել երկիրը եւ ընդհանրապես պաշտոնի չի հավակնում կառավարությունում:

Ինչ վերաբերում Է այն բանին, թե ինքը որտեղ Է իրեն տեսնում Վրաստան վերադառնալու դեպքում, նախկին նախագահը ասել Է. «Ես հավակնում եմ Վրաստանը վերածել հաջողակ ծովային երկրի, որտեղ մեր ծովային գոտին օրինակելի կլինի ամբողջ աշխարհի համար: Ես Լազիկայի ազատ տնտեսական գոտու կառավարչի դիրքն զբաղեցնելու հայտ կներկայացնեմ: Ցանկանում եմ դառնալ Լազիկայի ազատ տնտեսական գոտու ղեկավարը»: Անակլիայում խորջրյա նավահանգստի կառուցումն սկսելու արարողությունը կայացել Է 2016 թվականի հոկտեմբերի 3-ին: Գիորգի Կվիրիկաշվիլին, որն այն ժամանակ Վրաստանի վարչապետն Էր, հայտարարեց, որ նավահանգիստը կսկսի գործել երեք տարի անց, այսինքն՝ 2019 թվականին, հաղորդել Է «Գրուզիա Online»-ն:

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ