ԵՄ գագաթնաժողովում հայտարարվել է «Բրեքզիթի» պայմանագրի ուժի մեջ մտնելու ժամկետը
Եվրոպական խորհուրդը որոշել է Մեծ Բրիտանիայի ԵՄ-ից դուրս գալու մասին համաձայնագրի ուժի մեջ մտնելու ժամկետը՝ 2019թ.-ի մարտի 30-ին, հաղորդում է Ռիա Նովոստին:
«Եվրոպական խորհուրդն առաջարկում է հանձնաժողովներին, Եվրախորհրդարանին և Խորհրդին ձեռնարկել բոլոր անհրաժեշտ քայլերը`2019թ.-ի մարտի 30-ին համաձայնագրի ուժի մեջ մտնելն ու կանոնակարգված ելքն ապահովելու համար»,- հաղորդում է Եվրախորհրդի մամլո ծառայությունը:
Եվրախորհրդի ներկայացուցիչները նաև նշել են, որ Մեծ Բրիտանիայի հետ հարաբերությունների կարգավորումը կշարունակվի հաշվի առնելով նախկին որոշումներում ընդգրկված ընդհանուր դիրքորոշումներն ու սկզբունքները:
Ավելի վաղ հաղորդվել էր, որ Եվրամիության երկրների ղեկավարները հավանություն են տվել «Բրեքզիթի» պայմանագրին: