Լավրովն Արևմուտքի վարած քաղաքականությունը համեմատել է ամուսնական դավաճանության հետ ու առաջացրել ներկաների ծիծաղը (տեսանյութ)

Ռուսաստանի Դաշնության արտգործնախարար Սերգեյ Լավրովը հումորով է արձագանքել լրատվամիջոցների միջոցով Մոսկվային տարբեր պատճառներով մեղադրելու արևմտյան երկրների պրակտիկային, գրում է ria.ru-ն:

«Միջերկրածովյան շրջան. Հռոմեական երկխոսություն» համաժողովում ելույթ ունենալիս Լավրովն արևմտյան երկրներին մեղադրել է Ռուսաստանի հետ ուղիղ երկխոսություն չվարելու համար:

Լավրովն օրինակ է բերել Ֆինլանդիային ու Նորվեգիային, որոնք մեղադրել էին Ռուսաստանին ՆԱՏՕ-ի Trident Juncture զորավարժությունների ժամանակ GPS-ի աշխատանքին միջամտելու համար: ՌԴ նախարարը նշել է, որ քաղաքակիրթ մարդիկ անձամբ են մեղադրանքներ հնչեցնում, այլ ոչ լրատվամիջոցների միջոցով:

«Եթե դուք խնդիրներ կամ կասկածներ ունեք ձեր կնոջ հանդեպ, դուք ուղիղ նրան եք հարցնում, այլ ոչ թե դիմում լրատվամիջոցներին»,- ասել է Լավրովը:

Դահլիճում ներկաները ծիծաղով ու ծափերով են ողջունել Լավրովի համեմատությունը: