Հռոմում քանդում են մաֆիայի անդամների շքեղ առանձնատները
Հռոմի ոստիկանությունը սկսել է քանդել մաֆիայի կլաններից մեկի անդամներին պատկանող ութ շքեղ առանձնատուն, որոնք ապօրինաբար են կառուցվել, փոխանցում է Daily Mail-ը:
Երկրի վարչապետ, ներքին գործերի նախարար Մատեո Սալվինին հրապարակավ երդվել է «քանդել այդ գրողի տարածներին պատկանող մինչև վերջին ապօրինի առանձնատունը»:
Խոսքը վերաբերում է «Կազամոնիկա» գնչուական կլանի անդամների տներին: Նշենք, որ ոստիկանության շուրջ 600 աշխատակից մաֆիայի անդամներին դուրս է բերել առանձնատներից:
Իսկ գործողությունների վայր բերված բուլդոզերներն ավերել են Հռոմի Կուադրարո թաղամասում գտնվող առանձնատները:
«Մենք նման ենք բռնապետ Բենիտո Մուսոլինիի օրոք հետապնդվող հրեաներին»,-ասել են մաֆիայի անդամները:
Վարչապետ Սալինին իր հերթին ասել է, որ կանգ չի առնի «մինչև այդ գրողի տարած առանձնատները քանդելը»: Նա հավելել է, որ բոլոր ութ առանձնատները կքանդվեն, իսկ տարածքն Իտալիայի մայրաքաղաքի բնանկիչներին կհատկացվի: